ππ²π©π’π§π π²
π« ππππΌπ πΏπΌππ'π.....!!π«
π©ππππ π¨ππ πππ πππ€π»
πͺππππππ 7️⃣
.........Hannu ya basu batare da ya yarda ya kallesu ba. Uncle Yousuf yay murmushi da amsar hannun sukai musabaha bayan ya gaisa da Ahamd dake Ζ΄ar dariya saboda harar da Uncle Smart Ιin ke masa Ζasa-Ζasa.
“Idan ban takura da yawa ba ina son muyi magana Please Smart Mawashi”.
Karan farko ya Ιan Ιago idanunsa da har yanzu suke da damuwa ya dubi Uncle Yousuf mai maganar. Kamar zaiyi magana sai kuma yayi shiru. Uncle Yousuf ya sake murmusawa da faΙin, “Please”.
Bashi da yanda ya iya dole ya amince masa, sai dai maimakon cikin motarsa da ya buΖata suje anan cikin soron gidansu suka zauna saman bench. Shiru na wasu mintuna kafin Uncle Yousuf ya nisa. “Jiya na dawo na samu takarda da key Ιin mota a hanun sakatariyata Aliyu, sai dai ban gamsu da bayanin dana gani a rubuce ba shiyyasa nace Ahmad ya rakoni nazo da kaina”. Ya Ζare maganar idonsa a kansa alamar son jin amsa.
“Na ajiye aikin ne kawai”.
Ya faΙa cikin dakewarsa.
“Ko miyasa?”.
Ahmad ya tambaya cikin kafesa da idanu.
Kansa ya jinjina yana Ιan furzar da iska, sai kuma ya dubu Uncle Yousuf maimakon Ahmad da yay tambayar. “Saboda bazan iya ba Alhaji. Ni mutum ne da ba komai zuciyata ke iya Ιauka ba duk da na kasance talaka mai nema.”
“Haka ake so duk mutum na Ζwarai ya kasance Aliyu Hydar. Amma har yanzu baka faΙa mana dalilin ba?”.
Murmushi ya saki mai ciwo a karo na farko. Ya Ιan dubi Uncle Yousuf Ιin sai kuma ya Ιauke kai. “Miye amfanin maimaita abinda bashi da muhimmanci koya wuce Alhaji. Kawai na ajiye shikenan ya wuce. Nasan insha ALLAHU zaku sami wanda ya fini, ni kuma zan tara gaba maybe abincina ba'a nan yake ba”.
“Nasan bazaka juraba kamar na baya da suka shuΙe domin Kanada banbanci da su. Sai dai irinka na jima ina fata ni kuma, dan kai kaΙaine zaka iya da ita har ma ka tankwarata. Har yanzu nasan baka san ni wanene ba Aliyu Hydar, sai dai ka sani ban nema kamin wannan aikin ba dan kana buΖatar aikin da kuΙi zai shigo maka. Tun randa na ganka wajen abokina yayan abokinka Ahmad naji a raina ka cancanta zama wani Ιangare da zai jagoranci haska wata fitila ta rayuwarta. Ita Ιin a fanΙare take, tabbas a haka ta tashi shiyyasa tanΖwarata yayma kowa wahala a cikinmu. Ada kallon komai muke a bigire na Ζuruciya da tunanin wata rana zata daina, sai dai ranar har yanzu taΖi tazo, bamu san kuma ranar da zata zo ba, ko kuma tazo ne ta wuce batare da mun farga ba oho?. Nasan kana da Ζanni mata maybe ma harda yayu, kasan irin zafin da nakeji a raina koda a kwatance ka kwatanta da ace sune, miyasa bazaka gane ba ne....?”
Yanda ya Ζare maganar a raunane cikin sigar tambaya yasa Uncle Smart fesar da iska mai nauyi. A Ιan zafafe batare daya dubesu ba yace, “In dai har ku da kuka haifeta kun gagara tanΖwarata ni kuma taya kuke tunanin iyawa? Mahaifinta fa na raye, hakama mahaifiyarta, sannan gaku ku Ζ΄an uwanta, Alhaji Please kayi haΖuri bazan iya ba fa. Bana son raini, bana iya jurarsa ga kowa. Bana son wulaΖanci ko ΖasΖanci duk da kasancewata talaka mai nema. Ina ganin kimarka dan ALLAH karka bari mu shiga wata hanya daba ita ta dace mukai ba dan alkairi ya haΙamu kuma bazan taΙa na manta da kai ba, dan kamun abinda mutane da yawa basu minba na alkairi ka gaida gida”.
Yana gama faΙa ya miΖe. Dakatar da shi Ahmad yayi, kamar bazai tsaya ba sai kuma ya dakata tare da juyowa. MiΖewa shima Uncle Yousuf Ιin yayi yana Ιan murmushi. Hannu ya kai ya dafa kafaΙarsa, “Shike nan na fahimceka kuma nagode sosai. Ina son mutum irinka mai tsayawa akan ra'ayinsa da riΖe mutuncinsa. Zan jima inajin raΙaΙin rabuwa da kai Aliyu. Amma dan ALLAH ina roΖon alfarmar kazo office ko zuwa gobe ne domin amsar hakkinka, kuma bana son kace da ni a'a”.
Baki ya buΙe zai yi magana Ahmad ya dakatar da shi. “Dan ALLAH karkace a'a Smart, ban sanka da musu ba karka fara akan Yaya Yousuf, sannan kayi nazari akan roΖon da yay maka, nasan kanada damar taimakons.....”.
Hararar da ya Ιan ballama Ahmad Ιin ce ta sashi yin Ζaramar dariya batare da ya Ζarasa ba. Ζauke idanunsa yay da faΙin, “Shike nan insha ALLAHU idan na samu lokaci zanje, amma kai ma kasan kawai dai dan ta Yaya boss ne wlhy”.
“Na sani Mawashi. Yaya boss kuma na godiya da wannan karamci”. Bai ce komai ba, sai murmushi da Uncle Yousuf dake saurarensu yayi. Har cikin rai Ιabi'un yaron birgesa sukeyi matuΖa. Yana son ganin mutum mai nutsuwa musamman matashi kamar haka. Ba irin matasan yanzu da shegen rawar kai yayma mafi yawansu katutu ba...
Har mota ya musu rakiya. Bayan wucewarsu sai yaji ya kasa komawa cikin gidansu dan baisan da wane irin harshe zaima Ammah bayani akan sake rasa wannan aikin ba shima, duk da dai jikinsa yay Ιan sanyi da kalaman Ahmad na Ζarshe, amma dai bai yanke hukunci ba na sake amsar aikin har yanzu. Sai dai in ya tuno bayanin Abba ya kanji faΙuwar gaba. Tabbas yasan wanene Abbansu, sam baya magana biyu. Mutum ne tsayayye da idan yace e to e Ιinne da har ransa. Idan kuma yace a'a to a'a Ιin ce fa. Da Ζafa yabar cikin anguwar tasu, rashin abunyi da sanin ina zai dosa ya sashi miΖewa a titi yay ta tafiyarsa kawai. Yayi tafiya mai nisa da bai san ina yake jefa Ζafa da Ιaukewa ba ya fahimci kamar binsa akeyi a baya. Tsamm yayi na tsarguwa tare da tsayawa, sai dai abin mamaki babu alamar wani tare da shi a Ζafa, wanda ke a kan mashina ma da napep babu alama, hakama na mota. Dakewa yay ya cigaba da tafiyar, still dai ya sake jin tabbas akwai mai binsan. Yanzu kam bai juyo ba sai ya yanke titin ya shiga cikin wani layi, ya Ιan yi nisa da layin sosai ya samu rumfar wasu masu kayan kafinta ya Ιan dakata cikin dabara kamar mai gyara igiyar takalmi. Ta cikin mirror da aka jingine ya hango wasu samari biyu, sai dai suna Ιan waskewa cikin Ιadda kama. Hakan ya Ιan bashi mamaki, dan shi dai a rayuwa duk da yana da tsatstsauran ra'ayi bashi da abokin faΙa. Cigaba yay da tafiyar dan son gane iya gudun ruwansu badan yasan sirrikan layukan inda yake ba. Sai da sukaje Ζarshen layin sosai ya fahimci akwai matsala, ya Ιan ji wani abu a ransa amma sai ya dake, wata hanyar da yake Ζyautata zaton zata Ιillesa da titi ya bi, sai dai yana shan kwanar tsukin wajen suka sami nasarar rufesa ruf ata gaba da bayansa. Ζaya bayan Ιaya ya bisu da kallo har ya sauke akan napep Ιin da aka faka a gabansa. Cikin dakewa da ambaton sunan ALLAH ya ce, “Ku kuma fa?”.
“Zaka sani amma ba'a nan ba”.
Ζaya ya bashi amsa cikin gatse da nuna masa bindiga dake soke a Ζugunsa. Bindiga bata kasance abar wasa ga kowa ba. Duk Ζarfinka da taurin kai a duk inda mai ita ya kasance shike zama a saman Ζarfin ikon ka. Dan haka ya shiga napep Ιin zuciyarsa na saΖa masa abubuwa masu yawa game da mutanen. Biyun da suka dinga binsa ne kawai suka shiga gefe-da-gefensa, mai napep yaja suka fice daga layin, sai da suka fita gaba Ιaya wanda ke gefen haggunsa ya jefa masa wani Ζyalle a fuska, da sauri na kusa da shi ya kama ya Ιaure masa idanu yayinda wanda ya fara jefa Ζyallen ya Ιora masa bindiga a gefen ciki ta yanda bai isa musawa ba. Duk da ya sake firgita haka ya dake a zahirance, a baΙini kuwa yana mai ambaton sunan ALLAH......
Tofa, su kuma waΙan nan daga ina?. Wayyo Uncle Smart Ιinmuπ«π’
∆••••∆ ★ ∆••••∆
Tun daga main falour na gidan kana iya jiyo tashin sautin kiΙan dake fitowa da ga Ιakinta, duk da kiΙane mai taushi na mawaΖiya Shakira yanda ta Ζure voluen yasa ake iya jiyowa. Tun safe babu wanda zai ce ya ganta yau a gidan har zuwa yanzu da agogo ke nuna Ζarfe takwas da wasu mintuna. Mafi yawan yaran rai a Ιace suke fitowa daga Ιakunan su dan sautin kiΙan data saka ya takurasu da hanasu barcin safen. Hatta da Ζananun Suhaib da Imran da fita makaranta kan hakanasu barcin safen ji suke ta takura musu, musamman Imran dake son Ζarasa Assagment Ιinsa amma ya gagara fahimtar komai. Kaf Ιinsu sun gama hallara a dining, sai dai fuskar kowanne a turΙune da takaici. A haka Daddy da Mommy suka fito suka samesu, a kallo Ιaya zaka fahimci itama Momy ranta a Ιace yake, sai dai shi Daddy kam ko'a jikinsa. Yaran ma na gaidashi bai wani saurarensu ba hankalinsa nakan kiran Tabawa mai aiki. Da Ιan gudu-gudu ta fito a kitchen hannunta riΖe da Ζaramin ludayi da alama girki takeyi.
“Babyna fa?”.
Ya faΙa kai tsaye yana nuna upstairs. Itama upstairs Ιin ta kalla, cikin sake rissinawa tace, “Barci takeyi Alhaji, tace zuwa Ζarfe tara da rabi na tadata”.
“Shi kuma wancan kiΙan da ga ina?”.
“Itace ta kunna”.
Nunin ta tafi kawai ya mata batare da ya sake cewa komai ba. Mommy da tai kicin-kicin da fuska ya kalla, sai kuma yabi sauran yaran nasa da kallo. Hafiz dake ΖoΖarin kai shayi bakinsa wanda a haihuwa shike bima Lulu ne ya ce, “Humm Daddy yanzu bazakace komai ba kenan?”.
“Akan me?”.
“Aunty Lu. Ai ko kafiri ba kowa ke iya saka kiΙa ya kwanta da shi ba. Kuma ina da tabbacin ko sallar asuba batayi b.....”
“Kai ban san shashanci da Ζazafin banza, wai Hafiz ita Ιin sa'arka ce? Kuma kai ubanwa yace maka batai sallar ba”.
“Ai ba sai wani ya faΙa masa ba abinda kowa ya sani ne. Ni ban san wane irin makahon so kakema Mawaddat ba a gidan nan, kuma ka sani wannan ba gata bane kashe mata rayuwa kakeyi matsayinta na mace. Da haka kowace yarinya ake rainonta a gidansu da baka gammu haka ka aura ba matsayin iyayensu Alhaji. Dan ALLAH ya kake so nayi da raina akan Mawaddat ne?”.
Wani banzan kallo ya galla mata ita da yaran baki Ιaya yana cika da batsewa, sanin yanzu zasuyi sama ya sata miΖewa tabar dining area Ιin zuciyarta na Ζuna da raΙaΙi. Ta rasa mike damun mijin nata akan babbar Ζ΄arsu mace, yana nuna mata Ζazamar rayuwa a matsayin soyayya, iya bakin ΖoΖarinta tana yi akan Mawaddat amma abubuwa sake taΙarΙarewa sukeyi. A hankali hawaye masu raΙaΙi suka silalo mata saman kumatu.........✍️
_LABARAI MASU JAN HANKALI BAN TAUSAYI ZALLAR SOYAYYA MARA MANTUWA_
*KINSAN SUNAN LABARAN?,.....GASU KAMAR HAKA*
FURAR DANKO
Billyn Abdul
-ZAFIN KAI
Mamuhgee
-TABARMAR ‘KASHI
Safiyya Huguma
-BAKON MUNAFIKI
Miss xoxo
Duka hudu 1k
Uku 800
Biyu 600
Daya 400
Pay atπ
1487616276
Access Bank
Bilkisa Ibrahim Musa
Sai katura shedar biyanka ananπ
09032345899
Idan katin waya ne kuma saika tura ananπ
09033181070
VIPπ₯π―
Zafin kai 3k
Furar danko 3k
Tabarmar kashi 3k
Bakon munafuki 3k
*_karki bari ayi tafiyar ZAFAFA BIYAR BABU KE!!!_*
*THANKS FOR CHOOSING US*π₯°
Zafafaπ«Άπ₯
*_ALLAH ya gafartama iyayenkuππ_*